Cuarto diálogo con Helena

-        ¡Helena ...!

-        ¿Qué, poeta?

-        E si eu non nacera ...

¿Quén che faría poemas?

-        Non sei. Cecáis outro calquera.

-        ¡Helena ...!

-        ¡Leria ... leria ...!

-        ¿E quén che fará versos

cando eu xa non esteña?

-        ¡Xa cho dixen, hom !¡ Outro calquera!

-        ¡Helena ...!

-        ¡Ben que teimas!

-        ¿E terán a mesma sinxeleza?

-        ¿E logo tí que pensas?

-        Penso que non. ¿E tí?

-        Eu penso que toleas.

Coma tí ...

hai millós de poetas.

-        ¡Mágoa de mín, entón!

-        ¡Mágoa de tí... soñador!

Terceiro diálogo con Helena

-        ¡Helena ...!

-        ¿Qué, poeta?

-        Xa vai moi outa a noite

i o meu corazón non dorme.

-        ¡Helena ...!

-        ¡Xa dirás!

-        ¡Se cantaras un cantar

de berce pra me arrolar!

-        ¿Non sabes que estóu moi lonxe?

-        ¡Por eso lle teño medo á noite!

Segundo diálogo con Helena

-        ¡Helena ...!

-        ¿Qué?

-        Eu son o mar maior

e tí es a area.

-        ¡Helena ...!

-        ¡Dí ...!

-        As ondas do meu mar

morren en tí.

-        ¿Non calarás ... poeta?

-        ¡Pois non te chames Helena!

Voume

   Voume.

   Quero durmir

   Estóu moi canso.

   ¡Sí ...!

                              Á beira do teu río

                              morréu o meu malvís.

                              No lume do teu libro     

                              ardéu moito de mín.

                              Voume de tí

                              Helena.

                              Voume.

                              Quero durmir.

                              Estóu moi canso.

                              ¡Sí ...!

Diálogo con Helena

-        ¡Helena ...!

-        ¿Qué?

-        Estóu pensando nela.

-        ¡Helena ...!

-        ¿Sí?

-        Estóu pensando en tí.

-        ¡Si non soñaras ... poeta!

-        ¡Non habería poemas!