O
buxato no petouto.
O
fero fitar do corvo.
A
mágoa dos nenos orfos.
O
esquezo matando mortos.
A
ferida do remorso.
A
abella macia no trobo.
O
pan recendendo a forno.
A
fror marela do toxo.
A
coveira do raposo.
O
zureíño dos pombos.
O
estrelecer dos teus ollos.
A
morneza da túa voz
aloumiñando
o meu sono
i
eu soñando versos vellos
pró
poema dos recordos.
Ouh
corazón que esmoreces
á
carón do lume novo!